އިޢުލާން
ކައުންސިލް އިދާރާގެ ނުވިކި ހުރި ސައިކަލްތައް ނީލަންކިޔުން
މިކައުންސިލްގައި ބޭނުންކުރެވުނު ބާ ވެހިކަލްތައް ނީލަމުގައި ވިއްކާލުމަށް ކުރެވުނު 03 އިޢުލާނުން ނުވިކި ހުރި ބައެއް ސައިކަލްތައް ހުރުމާއެކު އެ ވެހިކަލްތަކުގެ އަގުތަކަށް ބަދަލު ގެނެސް އަލުން ނީލަމުގައި ވިއްކާލުމަށް ވަނީ ހަމަޖެހިފައެވެ. ނީލަން ކިޔުމަށް ހަމެހިފައިވާ ސައިކަލްގެ މައުލޫމާތާއި، ނީލަން ފެށުމަށް ހަމަޖެހިފައިވާ އަގު، އަދި ހުށަހަޅާ އަގަށް ފަހަރަކު އިތުރުކުރެވޭ އަގު މިއިޢުލާނާއެކު އާންމުކުރެވިފައިވާނެއެވެ.
ނީލަމުން ސައިކަލް ނެންގެވުމަށް ބޭނުންފުޅުވެލައްވާ ފަރާތްތަކުން ކޮންމެ ދުވަހެއްގެ 12:00ގެ ކުރިން އަގު ހުށަހެޅުއްވުން އެދެމެވެ. އަގު ހުށަހަޅުއްވާނީ NL05 ފޯމް ފުރިހަމަ ކުރެއްވުމަށްފަހު ބަންދު ކުރެވިފައިވާ ސިޓީ އުރައެއްގައެވެ. ސިޓީ އުރައިގެ ބޭރުގައި ސައިކަލްގެ ނަންބަރ ޖެއްސެވުން އެދެމެވެ. ނީލަން ހުށަހަޅާފޯމް NL05 މި އިދާރާގެ ކައުންޓަރުން ލިބެން ހުންނާނެއެވެ.
ވީމާ މި ސައިކަލްތައް ގަންނަން ޝައުޤުވެރިވާ ފަރާތްތަކުން ކައުންސިލް އިދާރާއަށް ރަސްމީދުވަސްތަކުގެ ހެނދުނު 9.00 އިން 13:00 އާއި ދެމެދު ދުރުވުމުން ބެއްލެވޭނެ އިންތިޒާމް ހަމަޖެހިފައިވާނެއެވެ. ނީލަން ކުރިއަށް ގެންދިއުމަށް ހަމަޖެހިފައިވަނީ 16 ޖަނަވަރީ 2023 އިން ފެށިގެން ނީލަން ނިމެންދެންނެވެ.
މިމުއްދަތުގެ ތެރޭގައި ކޮންމެ ރަސްމީދުވަހު 12:00 އާއި ހަމައަށް ހުށަހެޅޭ އެންމެ މަތީ އަގު އެދުވަހެއްގެ 14:00 ގައި މިއިދާރާގެ ނޯޓިސް ބޯޑާއި ފޭސްބުކު ޕޭޖުގައި ޢާއްމު ކުރެވޭނެއެވެ. ނީލަމުން ހުށަހަޅާއަގު ޖެހިޖެހިގެން ރަސްމީ 3 ދުވަހު އެއްއަގެއް އޮވެއްޖެނަމަ އެއަގަކަށް ނީލަން ނިންމާ ލެވޭނޭއެވެ.
ނީލަމާއި ގުޅޭގޮތުން އިތުރު މަޢުލޫމާތު ހޯއްދެވުމަށް މި ކައުންސިލްގެ ނަންބަރު 6885003 އަށް ގުޅުއްވުން އެދެމެވެ.
ނީލަން ކާމިޔާބުކުރާ ފަރާތަކުން ނީލަން ކާމިޔާބުކުރިކަން އަންގާ ލިއުން ޙަވާލުކުރާތާ ރަސްމީ 03 ދުވަހުގެ ތެރޭގައި މި އިދަރާއަށް ފައިސާ ދައްކަވައި ސައިކަލް ގެންދަވަން ވާނެއެވެ. ނީލަން ނިމޭތާ ރަސްމީ 7 ދުވަހުގެ ތެރޭގައި ފައިސާ ނުދައްކައިފިނަމަ އެފަރާތުގެ ހުށަހެޅުން ބާޠިލް ކުރެވޭނެއެވެ.
ވީމާ، މިކަން ޢާންމުކޮށް އެންގުމަށްޓަކައި އިޢުލާންކުރީމެވެ.
24 ޖުމާދަލްއާޚިރާ 1444
15 ޖަނަވަރީ 2023
ލިންކް: Iulaan-25- Cycle Neelan.pdf