އިޢުލާން
އައްޑޫސިޓީ ޤުރްއާން ކިޔެވުމުގެ މުބާރާތް 2026 ގައި ބައިވެރިވުމަށް ހުޅުވާލުން
އައްޑޫސިޓީ ކައުންސިލުން އިންތިޒާމްކޮށްގެން، ސިޓީ ފެންވަރުގައި ޤުރްއާން ކިޔެވުމުގެ މުބާރާތެއް މިއަހަރުވެސް ބޭއްވުމަށް ވަނީ ހަމަޖެހިފައެވެ. "އައްޑޫސިޓީ ޤުރްއާން ކިޔެވުމުގެ މުބާރާތް - 2026" ގެ ނަމުގައި ބާއްވާ މި މުބާރާތުގައި ސްކޫލްތަކާއި، ޤުރްއާން ކްލާސްތަކާއި، މުއައްސަސާތަކާއި، ޤުރްއާން މުދައްރިސުންނާއި، އަދި ޙާފިޡުންގެ ކެޓަގަރީތައް ހިމެނިފައި ވެއެވެ. މި މުބާރާތް ބޭއްވުމަށް ހަމަޖެހިފައިވަނީ 2026 ނޮވެންބަރު 15 އިން 19 އަށް އައްޑޫސިޓީ ހިތަދޫގައެވެ. މި މުބާރާތުގައި ބައިވެރިވުމަށްއެދޭ ފޯމާއި މުބާރާތުގެ ޤަވާޢިދު މިއިދާރާގެ ވެބްސައިޓް https://www.adducity.mvއިން ޑައުންލޯޑް ކުރެވެން ހުންނާނެއެވެ.
ވީމާ، " އައްޑޫސިޓީ ޤުރްއާން ކިޔެވުމުގެ މުބާރާތް – 2026 " ގައި ބައިވެރިވުމަށް އެދޭ ފަރާތްތަކުން 15 ސެޕްޓެންބަރު 2026ވާ އަންގާރަ ދުވަހުގެ އޮފީސް ބަންދުވުމުގެ ކުރިން މުބާރާތުގައި ބައިވެރިވުމަށް އެދޭ ފޯމު ފުރިހަމަކުރައްވާ މިއިދާރާގެ އެޑްމިން މެއިލް [email protected] އަށް ފޮނުއްވާ ދެއްވުން އެދެމެވެ. އަދި މުބާރާތުގައި ބައިވެރިވުމަށް ފޯމު ހުށަހަޅުއްވާ ފަރާތްތަކުން މުބާރާތުގައި ބައިވެރިކުރައްވާ ދަރިވަރުންގެ ފޯމުތަކުގެ އަސްލާއި ބައިވެރިވާ ދަރިވަރުންގެ ލިސްޓް (އެކްސެލް ޝީޓް އަދި ޕީޑީއެފް ކޮޕީ) 18 އޮކްޓޫބަރު 2026ވާ އާދިއްތަ ދުވަހުގެ 14:00ގެ ކުރިން އައްޑޫސިޓީ ކައުންސިލްގެ އިދާރާއަށް ފޮނުވައި ދެއްވުން އެދެމެވެ.
4 ރަބިޢުލްއައްވަލަ 1448
17 އޮގަސްޓް 2026