ނިންމުން ނަންބަރު: 426-B (4)/2022/011

ބޭއްވުނު ތާރީޚް:  12 ޖަނަވަރީ 2022

ޖަލްސާ: 2022ވަނަ އަހަރުގެ 02 ވަނަ ރަސްމީ ޖަލްސާ (4ވަނަ ކައުންސިލްގެ 33 ވަނަ ޖަލްސާ)

މައްސަލަ

ހުށަހެޅުނު މައްސަލަ:  

އައްޑޫސިޓީގެ ފަސް ސަރަހައްދެއް ޓޫރިޒަމް ޒޯންގެ ގޮތުގައި ހަމަޖެއްސުމަށް ހުށަހަޅާ މައްސަލަ

މައްސަލަ ހުށަހެޅި ފަރާތް: ކައުންސިލަރ ޙުސެއިން ޒަރީރު

ނިންމުން

މައްސަލަ ނިމުނުގޮތް:

     " މި މައްސަލަ ކައުންސިލަށް ބަލައި ގަތުމަށާއި، އައްޑޫސިޓީގެ 5 ސަރަހައްދެއް ޓޫރިޒަމްގެ ބޭނުމަށް ހަމަޖެއްސުމަށް ފެންނާތީވެ،

• ހިތަދޫ އަވަށުގެ ފުއްޓަރުފަރާތު (ކަޅިބިއް ސަރަޙައްދުން) 4 ހެކްޓަރގެ ސަރަޙައްދެއް "ހިތަދޫ ސަންސެޓް ބީޗް" ގެ ނަމުގައި ހަމަޖެއްސުމަށާއި، ބަނގަލޯތަކާއި އިންފިނިޓީ ޕޫލް އަދި ސާވިސް އައުޓްލެޓްތައް ހިމެނޭގޮތަށް ތަރައްޤީ ކުރުމަށް ކަނޑައެޅުމަށާއި،
• ހިތަދޫ އަވަށުގެ ބޭރެފަޅަ ސަރަޙައްދުން ބައެއް ހިމެނޭގޮތަށް އެތެރެމާކޮލާއި އަދި ޔުނެސްކޯ ބައޮސްފެއަރ ރިޒާވްގެ ބަފަރ އޭރިއާ އިން ބައެއް ހިމަނައި، ކޯއްޓޭ ގޮނޑަށް ކުދި ޔޮޓްތަކަށް ވަދެވޭގޮތަށް، މިނިސްޓްރީ އޮފް ޓޫރިޒަމް އަދި މިނިސްޓްރީ އޮފް އެންވަޔަރމެންޓްގެ މަޝްވަރާ އާއި ލަފާ ހޯދާ، މިޓިގޭޝަން ފިޔަވަޅުތަކާއެކު ބައޮސްފެއަރ ރިޒާވްގެ ކޯރ އޭރިއާއަށް އަސަރުނުކުރާގޮތަށް އަދި ސޯލާ އިން ހަކަތަ އުފައްދާ ބޭނުންކުރާ ގޮތަށް، ހިތަދޫ އެރީނާ އެންޑް އައިލޭންޑް ރިޒޯޓްގެ ނަމުގައި ސަރަހައްދެއް އިކޯ ޓޫރިޒަމް ކޮންސެޕްޓަށް ތަރައްޤީކުރުމަށް ހަމަޖެއްސުމަށާއި،
• އައްޑޫސިޓީ ކަނޑިހެރަ، މިނިސްޓްރީ އޮފް ޓޫރިޒަމް އަދި މިނިސްޓްރީ އޮފް އެންވަޔަރމެންޓްގެ މަޝްވަރާ އާއި ލަފާ ހޯދާ، މިޓިގޭޝަން ފިޔަވަޅުތަކާއެކު ބައޮސްފެއަރ ރިޒާވްގެ ކޯރ އޭރިއާއަށް އަސަރުނުކުރާގޮތަށް އަދި 100 ޕަސެންޓް ސޯލާ އިން ހަކަތަ އުފައްދާ ބޭނުންކުރާ ގޮތަށް، ކަނޑިހެރަ ޕްރެޒިޑެންޝަލް އައިލޭންޑްގެ ނަމުގައި ޕްރައިވެޓް ލަގްޒަރީ އައިލޭންޑެއް ތަރައްޤީކުރުމަށް އެ ސަރަޙައްދު އިކޯ ޓޫރިޒަމް ކޮންސެޕްޓަށް ތަރައްޤީކުރުމަށް ހަމަޖެއްސުމަށާއި،
• ހިތަދޫ އަވަށުގެ ބަނދަރު ކުރިމަތިން ނެރާއި އިންވެގެންއޮތް ފަސްގަނޑު (އައުހެރަ) ހިތަދޫ ޕިކްނިކް އައްލޭންޑެއްގެ ގޮތުގައި ތަރައްޤީކުރުމަށް ހަމަޖެއްސުމަށާއި،
• އައްޑޫސިޓީ ސަވާހިލި ޓޫރިސްޓް ރިޒޯޓެއްގެގޮތުގައި ތަރައްޤީކުރުމަށް ހަމަޖެއްސުމަށް” 

ހުށަހެޅުނު ހުށަހެޅުމަށް ރިޔާސަތުން ވޯޓަށް އެއްސެވުމުން މިއަދުގެ ޖަލްސާގައި ވޯޓުގައި ބައިވެރިވެ ވަޑައިގަތް މެމްބަރުންގެ އިއްތިފާޤުން މި ހުށަހެޅުން ފާސްކުރެވުނެވެ.

 ތާއީދު ކުރެއްވި: ޑެޕިއުޓީ މޭޔަރ މުޙައްމަދު ޝުޢާޢު

ހުށަހެޅުން ހުށަހެޅި:  ކައުންސިލަރ، ޙުސެއިން ޒަރީރު

ވޯޓް ދެއްވި ގޮތް

ބައިވެރިވެވަޑައިނުގަންނަވާ: 00  

ނުފެންނަކަމަށް: 00 ވޯޓް.

ފެންނަކަމަށް: 10 ވޯޓް

ވޯޓުގައި ބައިވެރިވި: 10 ވޯޓް